Jesus the son of man

மிகச்சிறந்த மனிதனின் பிறந்தநாள் இன்று.


He was a mountain burning in the night,

yet He was a soft glow beyond the hills.

அவர் இரவில் எரியும் ஒரு மலை, என்றாலும் மலைகளுக்கு அப்பால் ஒளிரும் ஒரு மென்மையான பிரகாசம்.

"Jesus the son of Man" வாசித்ததிலிருந்து கலில் ஜிப்ரான் மீதிருந்த காதலும் சரி,

ஏசு கிறிஸ்துவின் மீதிருந்த காதலும் சரி இரண்டுமே பன்மடங்கு பெருகியிருப்பதாகவே உணர்கிறேன்.

ஒவ்வொரு மனிதனும் அவசியம் பைபிளை வாசிக்க, அல்லது வாசிக்கத் தொடங்க வேண்டும்.

அது இயலாதவர்கள் தத்துவார்த்தமான ஜிப்ரானின் படைப்பான மேற்குறிப்பிட்ட நூலை வாசிக்கவேண்டும். 

இரண்டு நூல்களை சில மாதங்களுக்கு முன் அடுத்தடுத்து வாசித்தேன். ஒன்று Jesus the son of man, மற்றொன்று Siddhartha (Herman Hesse).

ஒரு தொன்மையான மரத்தினடியில் வெகுநேரம் இளைப்பாறினதைப் போலொரு மனநிறைவான உணர்வைத் தந்தன இரண்டு புத்தகங்களுமே.

ஏசு கிறிஸ்துவை ஆழமாக நேசிக்கிறவர்கள். எல்லோரையும் ஏசு கிறிஸ்துவைப் போலவே நேசிக்கத்தான் விழைவார்கள். பைபிளை விட ஏசுவை சரியாக அறிந்துகொள்ள ஜிப்ரானைத் தான் வாசிக்க வேண்டும். அற்புதமான மனிதனைப் பற்றிய அற்புதமான படைப்பு.

 A seed hidden in the heart of an apple is an orchard invisible.

என்றொரு வரி இடம்பெற்றிருக்கும் அதில்.

ஒரு ஆப்பிளின் இதயத்தில் மறைந்திருக்கும் ஒரு விதை கண்ணுக்கு தெரியாத ஒரு ஆப்பிள் பழத்தோட்டம்.

அன்பும் கருணையும் உங்கள் மனதில் ஆப்பிள் விதைகளைப் போல, ஆப்பிள் தோட்டத்தைப் போல செழித்திருக்க வேண்டுகிறேன்.

பரிபூரணமான அன்பை, அருளை கொண்டாடும், பேணும், பகிரும் எதிர்பார்க்கும்,  அனைவருக்கும் கிறிஸ்மஸ் தின வாழ்த்துகள்.

 

Comments